日日老吹!!!

前2日,係公司一齊討論倪震既分手信,我比佢既一句十分難明既內容令我有好多個"問號"!!!

"結構上出現左嚴重既中年危機"

以一句說話令我諗左好耐,可能我未到中年,所以不明白佢有危機有幾嚴重,所以我大腦只係不停地諗有咩"嚴重既中年危機"令佢要出去溝女呢??.....
不停地諗,最後忍唔住地問左同事....就出現左一段係假,但聽落又岩岩地既道理....

人物如下
本人"scott",坐正我前邊既同事"f仔"加上正在我地身邊好努力地"車"野既"joan"

scott:點解有中年危機仲要出去溝女呢??
f仔:哦!!中年危機呀,不舉囉!!
scott:唔係卦,佢不舉!!!
f仔:哦!!男人年紀大,隻手舉唔起姐!!
scott:哦，頂，姐係風濕啦！！
f仔:以個又唔同啦,賭王講過"咸咸濕濕就無風濕"睇佢個樣,日日去溝女,一定無風濕啦!!!
scott:咁姐係以前d皇帝都無風濕啦,咁佢地又咁短命???
f仔:咁可能好耐之前就有"愛滋病"!!!!
scott:唔係卦!!!!!
f仔:啦!!你諗下,8國聯軍攻打中國個時,佢地只係強姦民間女子,証明左後宮個幾千個女人有野啦!!你睇火燒圓明園你就知啦,斬草除根呀!!
scott:哦!!咁咪好似以家H5N1咁,要燒晒D雞!!
JOAN:係哦,好似D"哨兵雞"咁!!
scott:哦,唔怪之得男人叫女人做雞!!

以上對話係由一個好無聊又無咩野做既早上由3條白木講既野
經以一次之後,我覺得可以抄低我地吹水重點,出番本書都得啦!!

左手4手指,都仲係keep住痛,去左睇急政,照埋x ray,醫生話睇就無咩野,但腫左咁耐可能之前裂左骨,所以以家都仲keep住肥肥地(腫腫地),專科要排一年半,多謝晒啦,好番先去睇佢都得囉!!

倪震---一個啊水都知佢係賤既人,以前佢用賤招去唱衰人地,仲叫人地"毒瘤明"唱到人地一棟都無,估唔到以家,幾十年之後!!到佢比人叫"毒瘤震",抵死,自作業,一睇就知佢唔想結婚啦.仲要自己寫埋人地既分手信,真係好q cheap!!完全做足賤男人既典範!!
人地話"有錢就係風流,無錢就下流"以句我認呀,但毒瘤震錢又搵唔到,女就日日溝,以d叫做"假風流,真下流"哥仔,你又無人地edison咁靚仔,扮有料呃靚妹,節儉小小啦.人到中年既賤男!!